Tourism

Mizoram chanchin tlangpui:

Mizoram hi tlangram a ni a, Kum 1987 February khan Indian Union atanga State 23rd na a ni. Kum 1973 a Union Territory a awm lai khan Assam chhunga District pakhat a ni a. Khaw chhim chak lamah Myanmar awmin, khawthlang lamah Bangladesh a awm bawk a, Mizoram hi India hmar chhak kil a awm a ni a. Mizoram ramri 722 km hi Myanmar leh Bangladesh hrulah a awm a.

Mizoram hi tlangram ni in, a ram leilung hi a mawiin rawng chi hrang hrang in a tial emaw tih mai turin a hring dup a. A tlang hi a awih in lui te leh lui lian ten a daidang hlawm a, chhim leh hmar hawi zawngin a luang dul dul a, lui kawr thuk tak tak te pawh tam tak a awm a. A tlangpui in tlang te hi 1000 meters vel zel anga chhut a ni a. Mizoram a tlang sangber chu Blue Mountain (Phawngpui Tlang) an tih hi a ni a, 2210 meters a sang a ni.

Mizoram hian sik leh sa nuam tak mai a nei a, a tlangpui in nipui ah pawh a lum lutuk lo a, thlasik ah pawh a vawt lutuk lo bawk a. Thlasik lai chuan 11oC – 21 oC a ni tlangpui a, nipui lai chuan 20 oC – 29 oC a ni tlangpui bawk. Kum tluan hian rauhtui a tla deuh reng bawk a. May atanga September thla hun vel hian ruahtui a tam zual a, a tlangpui in ruahtui hi 254cm a tla thin a. Aizawl a ruahtui tlak dan tlangpui chu 208cm vel a ni a. Lunglei ah chuan a tlangpuiin 350cm vel a tla thin. Thlasik hi Mizoram ah chuan ruah a tla vak lo tlangpui a, a boruak a nuam bawk a, van boruak a thiang in a pawl phut thin a, a mawi thei e mem a ni. Zingkarah chuan tlang leh tlang inkarah te hian tiau chum in a bawm khat vek thin a, a mawi in luipui zam takt e pawh a ang thei hle a ni. Mizoram hi khuanu in a duah mawi tak mai a ni a, a ram leilung a mawi in, thing leh mau, thlai leh hnim hring chi hrang hrang an awm bawk a. Thing, hnim hring leh thlai chi zawng zawng hi a awm vek emaw tih mai turin chi hrang hrang a tam em em a. Tlang te chu a hring dup bawk a.

THE PEOPLE – A MI CHENGTE

History lam tui mi te chuan Mizo chu Mongolian, East Asia (Asian khawchhak) lama mi cheng in then darh te, India khawchhak leh chhim lama lo awm, hmasang atanga lo awm ho khan ni in an ngai a. Myanmar khawthlang lamah reilote awm a, ram hrang hrang pasarih vela awm kual angah an ngai a, chumi hun chhung chu kum zabi 10 laiah an chhut bawk a ni. British Missionary te kaihhruaina hnuaiah 19th century velah khan anlo awm a, chuvang chuan Mizo te chu Christian an lo ni a. Missionary te lo kal an hlawkpui leh em em na chu zirna a ni. Missionary te khan Roman hawrawp te Mizo tawng zirna atan an lo hmang a, zirna in ah chhawm zel a. India rama lehkha thiam percentage tehna ah phei chuan tunah chuan 88% ni in pahnihna an ni hial a ni.

Mizo te chu mi chi hrang hrang, a huho a khawsa an ni a. Mizo khua te chu tlangah awm an ni a, a laiah LAL In awmin, tlangval te inkawm khawmna “Zawlbuk” te a awm bawk thin a ni. Zawlbuk chu thil tinreng in zirtirna hmun atan an hmang thin a. Tlangval te mi puitling leh khawtlang tana mi tangkai ni tura an in zirtirna hmun a ni.

SOCIAL LIFE (VANTLANG MIPUI NUN)

Mizo te chu an vantlang nun leh rorel vel te chu a inthlak danglam ve zel a. British te an lo luh hma chuan in kaihhruaina atan Mizo hnam/chi hrang hrang ten Mizo Society anlo din a. Mizo te chu chanvo leh mawhphurhna hrang hrangte neiin “Tlawmngaihna” tih hi an hmang tangkai em em a. Tlawmngaihna tih in a tum ber chu mahni dahtha a, midangte tana nun hman, inpumpekna, tanpui ngaite tanpui hna thawh hi a ni. Mizo te Chriatian an lo nih tak hnuah hian an nun a inthlakthleng nasa hle a, an nunah Christianna in hmun pawimawh a chang nasa hle a, an khawtlang nun pawh Christian an nihna in a kaihruai nasa hle a. Biakin te neiin Pathian tan an hun an hmang nasa a, an rilru pawh chulam hawi chuan an seng nasa a ni.

Mizo te chu in pawh tak a khawsa ho, hnam inthliarna awm velo, mipa leh hmeichhia in thliarna awm lo a ni. 90% vel chu lo neitu an ni a, thingtlang khua te chu chhungpui hung tak ang mai an ni. Nau piang, inneihna leh thihna te hi an nuna hun pawimawh tak mai a ni a, khawtlangin an buaipui thin a ni.

FESTIVALS (KUT)

Mizote chu tlangram lo nei mi an ni a. Ramhnuai thing leh mau te chu vat in, an hal a, thlai chin nan an hmang thin a ni. An nun chu lo hna enkawl nan an hmang ral a ni deuh ber mai a. An KUT te chu an lo neih a zirin an hmang thin.

MIM KUT (Maize Festival):

hi August leh September thla ah an hmang thin a, he KUT hi vaimim an thar zawh ah an hmang thin a ni. MIMKUT an hman dan chu zai leh lam te leh zu in leh ruai te in an lawm thin a ni.

CHAPCHAR KUT:

Chapchar Kut hi March thla an lo neih na tur atan an in buatsaih zawh awllen vel laia an hman thin a ni a. He hun hi thathona leh hlimna nasa tak nen an hmang thin a ni.

PAWL KUT:

Pawl Kut hi December thla velah an hmang thin a, an lo neih-buh seng zawh ah an nei thin. A nihna takah chuan an KUT neih zinga pui ber a ni. Buh tam tak Buh Inah an dah a, kumtluana an thawhhah, a rah an seng lawman hun a ni, hei bak bak a KUT ropui hi a awm thei dawn em ni.

Mizo te hi an chin dan thin thlak zung zung mai mi an ni a. An chin dan thin te thlak a, chin dan thar zir zung zung mi an ni. Hei hi khawthlang lam nun an zir a ni. Music hi an tui in an phur em em a, an man chakin an thiam chak em em a. Nula leh tlangval ten an tuipui em em a ni, mit la tak mai tlang leh lui tam tak awmna Mizoram ah hian, thil ri thei leh vuak rik theih chi hrang hrang a tam em em a ni.

DANCE

Cheraw:

Mizo lam mawi leh dangdai tak mai chu Cheraw tiin a hming an phuah a. Mau tlawn sei tak mai chu hemi lam na atan hian hman a ni. A nihna takah chuan he lam hi nu in nau a neih laia thih a, pialral a awmna tur chu tluang tak leh hnehtu nihna change a paltlang theih nan lam thin a ni. Cheraw hi thiam tak leh rilru harhvang taka lam chi a ni.

Khuallam:

He lam hi mi tamtak in thuam mawi tak nen, dar bu leh khuang te nen an vuak rik mil zelin an lam thin a ni. He lam hi chu khualtha te an lo lawm a ni tih lantir nana an lam dan a ni. Hlawhtlinna chawimawina te pawh a tih theih ang chu. Mizo ah chuan tihpui a awm reng rengin ruai in a zui ziah thin a, mahse khuallam hi chu mikhual lo lawman lam a ni.

Chheih lam:

Chheih lam hi tlai dai ah buh zu te in in an lam thin a. A hla thu mil in mahni rilru puakchhuakin an lam a, an thil tih that te chhuang taka an puan chhuahna entirna a ni, mikhual lawm nan pawh an hmang tho a ni.

ADMINISTRATION (Rorelna/ Inenkawlna)

Mizo tana thil hriatreng atan a pawimawh deuh mai chu India Sawrkar leh Mizo National Front (MNF) ten in remna thuthlung an ziah kha Kum 1986 a ni a. Tichuan, Mizoram chu February 20, 1987 ah State atana puan a ni a, tichuan Mizoram chu State 23rd na Indian Union ah alo ni ta a ni.

Mizoram khawpui chu Aizawl a ni a. Mizoram State Legislative Assembly hian seat 40 a nei a, Tunah chuan Parliamantary ah Mizoram aiawh turin mi pahnih kan nei a, Lok Sabha ah pakhat leh Rajya Sabha ah pakhat. Kum liam ta ah khan Mizoram hian nasa takin constitutional ah te, political ah te leh administrative ah hma nasa takin a sawn a ni. Hmanlai LAL in rorel dan kalphung chu an nuai bo ta a, Indian dan bu a Sixth Schedule hnuaiah District te lo piangin, Regional Council te an siam a. Vawiin ah chuan Lai, Mara leh Chakma Autonomous District Council te alo piang ta a, Mizoram ah chuan Village Council te hi remna leh muanna kengkawh tu ber chu a

Mizoram ah District pariat (8) a awm a.

  • Aizawl
  • Champhai
  • Mamit
  • Lunglei
  • Lawngtlai
  • Saiha
  • Kolasib
  • Serchhip

Area of Population: Area – 21,087 sq.km, Literacy – 88.49 %

Population: 8,91,058, Male – 459783, Female – 431275