Hmun pawimawh

hmuifang tlang

scenic beauty of hmuifang tlang

Hmuifang

Aizawl atang thlang lam 50Km ah a awm a, Hmuifang tlang 1619 meters a sang hi ramhnuai thing leh mau in ala khat a, Mizo Lalte hunlai atanga humhalh a ni. Hmuifang Tourist Resort hi a tlang sang laiah awmin Mizoram Sawrkar in a enkawl a ni.

He Resort hi Mizo Lal rama sak a ni a. Nungchate awm nana humhalh tlat a ni. Resort ah hian awm hahdamna tur double room paruk(6) leh cafetaria te a awm a. Tlang zawl phul hring dup te chu picnic leh intihhlim nan te a nuam hle a. Hemi hmunah hian Anthurium Festival leh Thalfavang Kut te neih thin a ni a. Hemi hmun atang hian a chhehvel thingtlang khua – Hmuifang, Sumsuih, Lamchhip leh Chamring te a kal theih a, heng khua ah te hian hmanlai Mizo nun dan chhawm zel ala ni.

He tlang hian khaw thlirna hmun nuam deuh nei in, a bul vel khua te a hmuh theih vek a ni. A chhehvel hi ramhnuia vek la ni in, thing leh mau, thlai leh pangpar, sava leh ramsa te anla tam em em a ni.

Tam DiI

Tam dil

Tamdil

Tam Dil hi Saitual ah awm in, Aizawl atangin 110Km a ni. Fisheries Department ten sangha khawi nan te a hmang a.Tourism Department ten Holiday Resort atan an hmang bawk a ni. He Dil hi miten an tlawh tam ber pawh a ni. Dil bul vel te chu ramhnuai chhah tha tak ni in, thing leh thlai leh ramsa an tam em em a ni.

Hmasang mite sawi danin he hmun tuna Tam Dil kan tih takah hian nupa tuak khat hian thlai te chingin an enkawl a, mahse an pa chu a thih tak avangin an nu chuan amahin a enkawl a ngai ta a. An leilet lai takah chuan antam kung khat lian fal bik deuh mai hi a awm a, zankhat chu chu hmeithai mumangah chuan a pasal thi tawh chuan chu antam lian tak mai chu uluk taka enkawl turin a hrilh a, chu chuan nasa takin mal a sawm dawn a ni a ti a. A mumanga a hrilh ang chuan a enkawl a, chu thlai chu alo thang duang ta em em a. A hnuah chuan chu hmeithai chuan pasal dang a nei leh ta a, nimahsela a pasal thar chuan thil reng reng a pasal hlui hriat chhuah theihna tur chi chu a ngaithei lo em em a, tichuan chu antam pawh chu a zung chawp chuan a phawi ta a, a paih ta deih a, chu antam zung awmna atang chuan chawp leh chilhin tui alo luang chhuak ta chiam a, tichuan chulai vel chu tui chuan a chim khat ta vek a. Tichuan chulai hmun chu Dil mawi takah alo chang ta a ni.

Vantawng waterfall

Vantawng Khawhthla

Vantawng Khawhthla

Aizawl atanga 137 Km ah a awm a. Vantawng khawhthla hi Mizoram a tui khawhthla sang ber leh mawi ber a ni. Vanva lui Thenzawl bula awm a ni a, Vantawnga tui hleuh thiam tak hming chawiaan phuah a ni. Vantawnga chu tui khawhthla, lung khawkrawk tamna hmunah pawh sangha ang mai in a hleuh thei a ni. Vanduaithlak takin thing tum sang tak atanga tla in a delh palh hlauh mai a, a thih phah ta a ni. Tui khawhthla san zawng hi 750 ft vel a chhinchhiah a ni a, a dik tak erawh sawi a har. A bul velah thing leh kham sang takin a hual vang a ni a, a thlirna tur hmun siam a ni.

Typical mizo village (zokhua) – falkawn

Typical mizo village (zokhua) – falkawn

Typical mizo village (zokhua) – Falkawn

Falkawn hi khaw te tak te Aizawl khawpui atanga thlang lam 18Km a awm a ni a. Hmanlai Mizo nun leh khawsak dan phung la chhawm nun zel a ni. Tourist tam takin an tlawh thin a, Mizoram sawrkar Art & Culture Department in Culture Centre (Zokhua) kum 1992 a an din a awm bawk a. He centre hi Museum te tak te ang mahse a tak tak anga Zawlbuk, Lal In, Pum leh hmanlai Mizo in angte sak a ni a. Zalenna sualtute leh mi huaisen te hriatrengna lung te phun a ni a. Chawkidar in awm chilhin mipui tlawhtu an awm ve reng a ni. Luh man (Entry Fee) hi puitling tan Rs.20/- leh naupang tan Rs.10/- a ni.