Aizawl hi thingtlang khaw nuam tak a ni, mahse tuma la luah lo a ni. Thal lai kum 1890 ah Mr.Dally, Assam Police chu a mite Silchar Military Police battalion 400 nen Col. Skinner a Dhaleswari lui dung vela buai taka awm chu Lianphunga’n Chittagong Hills Tracts a thawn thut avanga hrem turin an lo kal a.
Mr.Dally’s a rawn angin Aijal chu hmun nghet atan siam turin Colonel Skinner a chu thu a pe a, ram a chhuahsan hma ngeia zo turin a ti a. Ramhnuai thing leh mau te chu kit in Lt. Patric, Bengal Sappers leh Miners chuan ban chu a phhun ta a, kulh pawh hmun hnih ah an siam bawk a, an zauh belh zel bawk a. An buildings leh kulh te chu Mr. Dally’s a mi leh sa ten an sak a ni.
Kulh te zawk chu tlang te Officers ho chaw eina hmun leh club ni bawk ah chuan a awm a, chumi hmunah chuan Officers ho quarters leh guard ho awmna a awm bawk a.
Kulh dang leh chu hmar lam tlang te dangah chuan a awm a, chutah chuan barrack (sipai rual riah khawmna in) tam tak a awm a, kulh nghaktu sipai awmna tam tak a awm bawk a. Sipai 200 Silchar Military Police, Lieut. H.G.Cole 2nd Gurkhas enkawlna hnuaiah a awm a.
Khatih hunlai khaw lawng kha Dhaleswari lui a thleng thei lova, Changsil kai thleng bak a kal theilo a ni, chutah chuan post siam leh in sipai 100 laiin awm chilhin chhekkhawmna in veng turin an awm a. Changsil hi bazaar a ni a, Lushai kawng tha tak awm in chuta tang chuan Aijal leh thingtlang khaw dang leh Silchar te thlengin a kal theih a. Hemi kawng zawh hian Mr.Dally’s a leh a hote kha kum 1890 khan anlo kal a. Hemi zul hian Mr. Sweet PWD a mi chuan sabengtung kawng alo siam ve bawk a ni. Tuna Aijal hmar tawp lama Silchar kawng hi ram chhuahsan hma kha chuan siam ala nil ova. Kawng thar hian ke a kalna hmun hnih lai a save a, Dhaleswari Valley hrisel lo tak pawh a pumpelh theih a ni.
LALMANTU
September 1890 ah helna lo chhuakin, Mr. Browne Political Officer hmasaber chu that in, Aizawl leh Changsil post chu beih a ni a, Mr. Mc Cabe chuan hnehna a change, Naga te hneh a thunun in a hming alo chher tawh a ni. Tichuan, “LALMANTU” tih hming a pu ta a. Lal laka hel te tam tak a man a. Tichuan muanna chu kum 1891 ah chuan alo chawrchhuak leh a, chuta tang chuan Aizawl chu alo thang lian ta zel a.
Silchar police battalion la bang te chu Aizawl ah sawn chhuah an ni a, tichuan Capt. Loch 3rd Gurkhas chu commandant in a awm a. Kum 1892 a helna lo chhuak leh pawh chu Mr. Mc Cabe chuan a tudai leh ta a, mahse a hriselna chuan ngai a awh tir leh theih tak loh avangin dam lohna avangin chawlh lak alo ngai ta a.
Davies leh Loch chu tha taka thawk dunin Aizawl pawh tha takin bul an tan tha leh a. Kum 1891 atanga Kum 1897 inkar vela thil inthlak danglam dan te chu engmah sawi theih ka neilo. Aizawl kalo thlen a Mr. A. Porteous, Davies a aiawh tu Political Officer 1894 a mi hnen atanga charge ka lak tih loh chu.
HOUSE GOOD AND FIT FOR ISSUE
Aizawl kalo thlen khan ka hmuh chu Military Police in te chu tha taka sak vek alo ni a, a hmun hma te chu alo felfai in alo thianghlim em em a, Loch a chungah lawmthu awm rawh se, sipai te tha takin a enkawl a, amah a chak in, engineer leh in sa thiam tak a ni. Thlipui na taka tlehin sipai awmna (barrack) pahnih inching a lenbo sak a. Tichuan in tha tak lung hmanga sak chu a tum leh ta a, ramhnuai a mi thing leh mau hmanga sak a awm ai chuan.
A thil tum chu Davies a hnenah chuan a thlen a, mahse Davies chuan chutiang ruahmanna sawrkar hnena thlen chu a thatna a hriat loh thu in alo chhang a. Kohima ah Kum 10 kan awm a,lunga sak in pakhat mah a awm lo a. Loch a chuan Davies a hnenah chuan iti zahthlak em mai a ti a, tichuan ama sum sengin a mite nen a in tur chu sak a tum ta a. A hlawhtlin hnu chuan sipai awmna tur in (barrack) leh kulh nghak tu sipai awmna Aizawl ami tur sak phalsakna a dil leh a. PWD chuan an phalsak ta a, Loch a chu estimate leh mamawh zawng zawng te an hnena thlen turin anti a, tichuan Khasi contractor Sahon Roy a ruai a, a mite a chhawr bawk a.
Kum 1897 tir lama Aizawl ka thlen chuan Assistant commandant bungalow te, Police ho barrack zawng zawng te, hospital te, Quarterguard te, Office building te an lo sa a. Armourer’s dawr tih loh chu an estimate ang chuan an zo vek a. Loch a chuan cheque chu a dawng ta a. Estiamte pakhat atanga building zawng zawng sakna tur chu an pe a. Loch chu a building sak turah chuan a pui zel a, mahse an hnathawh na tur atana quarrie thar an hawn avangin an estimate ai in a man a chhut chu a lo sang ta zel si a, mahse a chhan tak a chu PWD chuan Quarterguard in tur an sak zawh hma chu an hre lo a ni, a chhan chu hriattirna pek an pehhel theih tak lo vang a ni.
WATERLOO GUN AT AIZAWL
Quarterguard sak nan khan, ka rin dan chuan an estimate siam let vel an hman ka ring. Chief Engineer thinrim a sosang a, order an chhuah a, Loch a hian building sak hi chhunzawm tawh suh se tiin. Mahse hemi hian a tibuai vak lemlo a nih hmel, a chhan chu Police building la sak loh awm chhun chu armourer’s dawr tur chiah a ni a, hna tlem bang leh ban bul thut awm tawh sa chu chhunzawm turin Executive Engineer hnenah pek a ni ta a. A building chu te viau mahse hmanhmawh taka mamawh a ni a, P.W.D chuan kum 1 chhung pawhin an zawh theih tak loh ah chuan Capt. Loch a chu building sak zawhna turin contract pek a ni a, tichuan thla reilo te ah a sa zo ta a. Police building chhuahsan hma a sawi lan atana tha chu Queen Victoria hriat rengna bathlar, sum hmun chu quarterguard ah chuan siam belh a n. Ka hriatdan chuan Lalber milim kha Loch a khan a man a pe in ka hria. Hmasang thil hlui pahnih bathlar sir a awm chuan chanchin danglam tak a nei a. Kum 1857 a Chittagong lui bawr vela lawng hmanga inbeihna ah khan an tel ve a ni. 34th Native Infantry stationed Chittagong a mi dah hran chu 18th November chuan helna alo chhuak a, silai te chu hell aka an him theih nan an paih bo a. Kum 1892 a buai zual laia Lunglei a an thawn khan, an thil paih chu an zawng khawm leh a, an vuah khawm a tichuan Rangamati thleng turin kawng remchang an hmu ta hlauh mai a. Silai hlui tawh tak, waterloo a an hman ni ngei tur chu Lalnu ropui hriatrengna atan ah tiin kalo la a.
A.R. GROUND COSTED Rs. 1,200/-
Parade Field – Loch an thuneihna a chelh a, nupui pasal nei tawh te awmna quarter (In) chu a ding sung mai a, tlangdung khat atangin ram tinah an kal darh sung a, Parade Ground ah chuan a tawp a quarter hnaih ber a hmeichhia leh tuai awm te chu buaina ber an ni a. Loch a chuan an awmna a sawn a, tichuan an awmna chu a hma ang em em chuan buaina chu a awm tam ta lo a. Tichuan tlang pawng lai chu rawt hniam/ mam turin hma a la ta a. Kum 1897 a kalo thlen chuan hna chu a chanve anlo thawk tawh a, mahse tlang pawng chu 15 feet vela sang chu alo la awm a. Khati hunlai khan Post Office pawhna kawng khawchhak lam tlang hawi zawngin a awm bawk a. Loch a chuan khawchhak lam hawi kawng hi kan tan mai dawn em ni tiin min rawn a, tichuan kalo remtih pui ta a. Parade Ground siam hna thawk tur chu sipai ho chuan a buaipui a. Loch chuan contract ti duh te hnenah contract te a pe a. Leivung paih turin hnathawktu pahnih zel an in kawp a, pakhat in wheel barrow a nawr a, pakhat in alo vur khat zel a, staff ten ground hmawr tur paihna tur an tih laiah chuan Gurkha Officer pakhat hi bag ak hian alo awm a, tichuan wheel barrow a an paih tam dan a zir zelin pawisa alo pe thin a, chumi atana pawisa chu “Canteen Fund”, hnathawk tu ten an chhawlhal tih reh nana an in hnawhpuar na pawisa tling khawm atanga in tum a ni a. Sawrkar in a pawisa a sen zat chu Rs.1,200/- a ni, a tlang dung pawh chu sipai labour ho siam a ni. A tlangpui in inrinni ah Commandant chuan a mi leh sa te chu tam tham deuh a thawh tir thin a. Loch a battalion te chu buaina siam ve ngai loh na a ni a. Nikhat chu Loch chuan “pa tha tak” kalo ni a niang a ti a, ka hnial lo na a, a chhan ka zawh chuan, tihian min chhang a, ilo chik ngai em inrinni hian rauh a rur khat khawp mai tih hi, barrack ah hian mi 800 an awm a, inrinni tan hian an tawngtai thin a, keipawhin khaw that nan ka tawngtai ve thin a, tichuan ka tawngtaina chu chhan in a awm a, a ti a.
RAJ NIWAS : Superintendent In (Tuna RAJ NIWAS)
Hei hi ka nupui thi ta in a design a ni a. In hmasa ber chu ramhnuai atanga lak thingzai hmanga sak a ni a, tuna a awmna atang chhim lam tawp ah a awm a. Kum 1899 chawlh hmanga ka ho laia sak zawh a ni. A siam man a to lutuk loh nan a chung pawh mai hmanga siam a ni a, a chung chu a awih mam a siam a ni. Hei hi Capt. Cole atan chuan a mawi tawk lo a. Liang pathum an dah belh leh ta a chu chuan a ti zia awm ta deuh a, mahse a chung chu liang in zawmna atang chuan a pawp zau hle a, ka lo let leh chuan a chung chu rangva a thlak ani ta a. Cole chuan lei dawl zawl (terrace) nuam deuh mai In hma lamah chuan a siam a, retaining bang mawi deuh a siam a, a sir ah chuan step mawi deuh mai a siam bawk a. In atanga chhim lamah chuan huan leh phaitual hnim mawi deuh leh, in hmar lamah chuan thali china ka siam a. Porteous chuan in hmar lamah chuan huan a siam ve bawk a. Khawthlang lampang hmar ah chuan thli laka in venna bang a siam a. Ramhnuai atanga lei tha an lak chu feet 3 vela sang chu huanah chuan an dah a. Serthlum kung Chin Hills atanga ka lak chu an phun bawk a.
WATER FOR AIZAWL – FIRST EFFORTS
Ka hunlai chuan Aizawl chhim lamah Superintendent in bulah kawng a kal tlang a, heihi Mc Cabe a hunlai a thil tha an tih a ni a, tui harsatna ah awlsam taka tui sem a nih theih nana siam a ni. In bulah chuan lei laihna hmanrua lian tak a nei a, a thalo ho chu a paih chhuak zel thei a ni. Tichuan tlang pawng hnuai lam Assistant Commandant in atang chuan hmun khatah in fin khawm leh turin tuichhe paihna zulzuin tui luanna tur iron rod leh rangva hmanga siam a ni a. Civil Sergeon In hmar lamah chuan a kehsawm ta a, tichuan an complain a. Tichuan an tui kawng siam chu an thiat leh ta a, tuihawk luang darh tur vennan a danna kan siam leh a. Hei pawh hi a hlawhchham leh a, mahse ka chhuahsan hmain tui tlem chu alo tling ve a.
THE OLD OAK TREES
Loch a chuan nursery te tan in Champhai atangin OAK thing te la in kawng dung hmun hrang hrangah an phun a. Far thing Superintendent In bula mi pawh Champhai atanga lak a ni a. Medical Officer In leh Assistant Superintendent In pawh ka thuchhuah anga siam a ni.
Mr. Cotton (a hnua a Sir Henry) tia koh chuan, Bengal Chief Secretary a tang chuan, kan thil kalphung that zia chu a hmu a, hmar lamah thawh ve nan Rs.2,000/- a sanction a. Hei hian Loch a nen a kan thawh dun theih phah a, hna pawh kan thawk tha hle a. Loch chuan Champhai kawng chu a buaipui a, sipai te hlawhfa t evil turin a tir a. Kum 1899 a chawlh hmanga a ho lain Capt. Cole an ka ai lo awh a. Aizawl tan thil tam tak a ti a ni. Superintendetn Office leh Club te chu ramhnuai atanga lak thing hmanga sak a ni a, mahse a tukverh leh kawngkhar te chu Calcutta atanga lak a ni a. Sak that dan tur ruahmanna ka nei a Cole a chu ka hrilh a. Ka chawlh hmang kalo let leh chuan in hlui chu an lo thiat vek a, lung hmangin anlo sa tha leh ta vek a. Hemi atan hian pawisa sanction pawh a awm lo a, plan pawh siam a ni lem lo a. Kan in then hrang ta a. Assam camp Delhi Durbar ah hming a chher nasa hle a, building DELHI a sa turin leh a hnuaia PWD Engineer pali nena thawk turin tih a ni a. Hlawhtlinna ropui tak a chang a, a estimate pawh a sang tha khawp mai, India Sawrkar hnen atangin lawmthu sawina te a dawng a. A hlawhtlin dan min hrilh a, Head of Department hnen atangin plan a la a, “Hei zawng hi in tana ka tih theih awm chhun a ni” a ti.
MUALZAVATA DAWNKAWN
Tuna L & J Secretariat, Superintendent huan hnuaia tui dahna (Tank) hi Porteous a siam a ni a, mahse tui a dah theih loh. Loch chuan kan ruahchhuah vek chuan a leak a reh mai ang a ti a. Keichuan tui tlem chu a dah theih mahse tui a awm reng chuan a leakna lai a hriat theih loh ang ka ti a. Pipe sei ve deuh tak tui supply a thawk te hnen atanga la in “dawnkawn” lian tak siam in tui chu kan hip chhuak ta a. Tui a nu in a chirhdiak em em a. Lushai lo pung khawm in “Mualzavata Dawnkawn”, tiin an au a. Ka ngaihtuah a tu a ber chu nge Mualzavata chu ni ang. District Engineer In Lunglei kawng hnuai ami chu kutcha tak in sak a ni a. Hodgkins a chu District Engineer hmasaber a ni a, hnathawk mi, hna tha tak tak thawk a ni. Ama kaihhruaina hnuai ah Melveng system kawng chu tha taka enkawl na neih a ni.
Jail, Record Room leh Civil Hospital te hi Aijal ka awm chhunga building kan sak hnuhnung ber te an ni.
SAY IT WITH A PHOTOGRAPH
Post office hi Aijal kalo thlen chuan In mawih tawh tak a ni. A department in a sak thatna tur an ngaihtuah/ ngaihsak lo a. Shillong a an Department ah thlalak ka thawn hma chu an ngaihtuah duh lo a, a department chu an zak hle a, a sak thatna tur pawisa an lo sanction ta a. Vawikhat chu a building chu a kang a, mi pakhat a deuh hian tui emaw tiin khawnvartui chu in chunga awm mipakhat mei chhem a theh a, eng thil tha mah a thlen lo a ni.
Aijal din chhoh dan hi chu ka hre reng tawh ang. Hemi chungchanga zawh duh nei in awm chuan engtiklai pawhin ka chhang thei reng ang che u.